सरकारको काम र गतिविधि भ्रष्टाचारलाई प्रोत्साहनमूलक : नेता सिंह

धनगढी, २७ पौष । नेपाली काङ्ग्रेसका नेता प्रकाशमान सिंहले सरकारको काम कारवाही र गतिविधि हेर्दा भ्रष्टाचारलाई प्रोत्साहन दिने प्रकारको मात्र भएको आरोप लगाउनुभएको छ ।

नेपाल प्रेस युनियन कैलालीले आज धनगढीमा आयोजना गरेको पत्रकार सम्मेलनमा बोल्दै नेता सिंहले सुशासन, विकास र समृद्धिको नारा सरकार अगाडि सारेको उत्कृष्ट भएकता पनि त्यो व्यवहारिकतामा भने नभएको दावि गर्नुभयो । उहाँले दुई तिहाई बहुमतको वर्तमान सरकार संविधानलाई संस्थागत गर्नका लागि ईमानदारिताका साथ अगाडि बढ्न नसकेको बताउनुभयो ।

नेता सिंहले नयाँ संविधानलाई संस्थागत गर्नमा वर्तमान सरकार चुकिरहेको आरोप लगाउनुभयो । जनतालाई केन्द्रविन्दुमा राखेर राहत दिने ठाउँमा सरकार अल्मलिएको जस्तो देखिएको धारणा व्यक्त गर्नुभयो ।

© 2016 अपटुडेट पब्लिकेशन प्रा.लि.
Designed by appharu.com