व्यापारीक स्वार्थमा पशुपतिमा भइरहेको अतिक्रमण अस्वीकार्य: मन्त्री भट्टराई

काठमाडौँ, १७ साउन । संस्कृति, पर्यटन तथा नागरिक उड्डयन मन्त्री योगेश भट्टराईले व्यक्तिगत व्यापारीक स्वार्थमा पशुपति क्षेत्रमा भइरहेको अतिक्राण स्वीकार्य हुन नसक्ने बताउनुभएको छ ।

पशुपति क्षेत्रको ऐतिहासिक, सांस्कृतिक तथा पुरातात्विक पक्षको संरक्षण र सम्बर्द्धन गर्ने बताउँदै उहाँले उनले सरकारले सबैसँग छलफल गरेर यसबारेमा सहमति बनाउने बताउनुभयो । पशुपति क्षेत्र विकास कोषले तयार पारेको गुरुयोजनामा पश्चिम ढोका भत्काउने, ब्रह्मनाल स्थानान्तरण गर्नेलगायतका विषय समेटिएको सार्वजनिक भएपछि सम्पदाविद जनप्रतिनिधिले विरोध गर्दै आएका छन् ।

उहाँले सामाजिक सञ्जालमा भन्नुभएको छ, ‘पशुपति क्षेत्रको ऐतिहासिक, सांस्कृतिक तथा पुरातात्विक पक्षको संरक्षण र सम्बद्र्धन गरिने छ । स्थानीय जात्रा र पर्वको जगेर्ना गरिने छ । व्यक्तिगत र व्यापारीक स्वार्थमा पशुपतिमाथि भइरहेको मानव अतिक्रमणलाई भने स्वीकार गरिने छैन । कुरा यही हो ।’

© 2016 अपटुडेट पब्लिकेशन प्रा.लि.
Designed by appharu.com