काउलीको मूल्य बढ्यो

काठमाडौँ, ६ चैत । बजारमा काउलीको मूल्य बढेको छ ।

कालीमाटी फलफूल तथा तरकारी बजार विकास समितिको तथ्यांक अनुसार काउलीको मूल्य बढेको हो ।

बजारमा स्थानीय, ज्यापु र तराई गरी तीन प्रकारका काउली किन्न पाइन्छ । आज सबै प्रकारका काउलीको भाउ बढेको तथ्यांकले देखाउँछ ।

आज शुक्रबार कालीमाटी बजारमा स्थानीय काउली थोकमा प्रतिकिलो न्यूनतम ६० देखि अधिकतम ७० रुपैयाँमा किनबेच भइरहेको छ । यस्तै औसत भाउ भने ६५ रुपैयाँ कायम छ ।

हिजो बिहीबार भने स्थानीय काउली प्रतिकिलो थोकमा न्यूनतम ४० देखि अधिकतम ६० र औसत ५१ रुपैयाँमा किनबेच भएको थियो ।

यस्तै ज्यापु काउली हिजो बिहीबार प्रतिकिलो थोकमा न्यूनतम ६० देखि अधिकतम ८० र औसत ७० रुपैयाँमा किनबेच भएकोमा आज शुक्रबार न्यूनतम ७० देखि अधिकतम ८० र औसत ७५ रुपैयाँमा किनबेच भइरहेको छ ।

आज तराई काउली भने प्रतिकिलो थोकमा न्यूनतम ५० देखि अधिकतम ६५ र औसत ५७ रुपैयाँमा किनबेच भइरहेको छ । हिजो बिहीबार उक्त काउली प्रतिकिलो थोकमा न्यूनतम ३० देखि अधिकतम ५० र औसत ४० रुपैयाँमा किनबेच भएको थियो ।