काठमाडौँ, २३ चैत । भक्तपुर प्रहरीले सार्वजनिक स्थलहरुमा शान्तिसुरक्षा भङ्ग गर्ने गतिविधिमा संलग्न थप ३० जनालाई पक्राउ गरेको छ ।
जिल्ला प्रहरी परिस भक्तपुरका स्वीप अपरेसन अभियान सञ्चालन गरेको भक्तपुर प्रहरीले आइतबार राति भक्तपुरका विभिन्न ठाउँबाट समूहमा बसेर होहल्ला गर्ने, शान्तिसुरक्षामा खलल गर्ने, लागूपदार्थ सेवन गर्ने, शंकास्पद गतिविधि देखाउने व्यक्तिहरुलाई पक्राउ गरिएको हो ।
भक्तपुर प्रहरीले यसअघि शनिबार सोही प्रकृतिका गतिविधिमा संलग्न रहेको आरोपमा ६० जनालाई पक्राउ गरेर अनुसन्धान सुरु गरेको थियो । प्रहरीले अनुसन्धानका क्रममा अवान्छित क्रियाकलापमा संलग्न नरहेको पाइएमा छाडिने जनाएको छ ।
प्रतिक्रिया दिनुहोस्