नेप्से परिसूचक २४.६३ अंकले घट्यो

काठमाडौँ, १६ असार । आज नेपाल स्टक एक्सचेञ्ज (नेप्से) परिसूचकमा गिरावट देखिएको छ। आज नेप्से परिसूचक २४.६३ अंकले घटेर २६०८.३३ विन्दुमा कायम भएको छ ।

आजको बजारमा कुल ३६५ कम्पनीका ८७ लाख ३७ हजार ३९२ कित्ता सेयरहरू ७९ हजार २८६ पटक खरिदबिक्री भए । जसबाट कुल ३ अर्ब २५ करोड ८७ लाख ५८ हजार १४ रुपैयाँ बराबरको कारोबार भएको छ।

आज कारोबार भएका कम्पनीहरूमध्ये जम्मा ३५ कम्पनीको सेयर मूल्य बढेको छ भने २३५ कम्पनीको मूल्य घटेको छ। ५ कम्पनीको मूल्य भने स्थिर रहेको छ।

बजार ओरालो लागे पनि केही कम्पनीको सेयर मूल्यमा भने उछाल आएको छ। आज सबैभन्दा बढी कमाउनेमा स्नो रिभर्स लिमिटेड रहेको छ, जसको सेयर मूल्य १४.९९ प्रतिशतले बढेर ४५४.२० पुगेको छ ।