रुपन्देही, २२ असार । क्षितिज विक्रम खनाल ।वर्षायाम सुरु भएसँगै चारैतिर फैलिएको हरियाली, र प्रकृतिको अनुपम सौन्दर्यले छोटो बिदा, पारिवारिक घुमघाम तथा विशेष क्षणलाई अझ रमाइलो बनाउने चाहना सबैमा हुन्छ। यही चाहनालाई आत्मसात् गर्दै रुपन्देहीको पर्यटकीय गन्तव्यका रूपमा स्थापित हुँदै गएको टाइगर फरेस्ट होटल प्रा.लि., तिलोत्तमा–१३, कोटिहवाले आफ्ना पाहुनाका लागि विशेष मनसुन प्याकेज सञ्चालनमा ल्याएको छ। प्राकृतिक वातावरण, आधुनिक सुविधा, आत्मीय आतिथ्य, स्वादिष्ट भोजन र मनोरञ्जनलाई एउटै प्याकेजमा समेटिएको यस अफरले मनसुनको मौसमलाई अझ स्मरणीय बनाउने विश्वास होटल व्यवस्थापनले व्यक्त गरेको छ ।
दैनिक व्यस्त जीवनशैलीबाट केही समय विश्राम लिन चाहने, परिवारसँग गुणस्तरीय समय बिताउन खोज्ने, दम्पतीका रूपमा विशेष क्षण मनाउन चाहने वा साथीभाइसँग रमाइलो भेटघाटको योजना बनाइरहेका सबैका लागि यो प्याकेज आकर्षक अवसरका रूपमा आएको छ। होटलले शान्त वातावरण, उच्चस्तरीय सेवा र अतिथिमैत्री आतिथ्यलाई प्राथमिकतामा राख्दै हरेक पाहुनालाई घरजस्तै आत्मीय अनुभूति गराउने लक्ष्य लिएको जनाएको छ।
विशेष मनसुन प्याकेजअन्तर्गत न्यूनतम दुई जना सहभागी हुनुपर्ने व्यवस्था गरिएको छ। प्रति व्यक्ति केवल (३५००) तीन हजार पाँच सय रुपैयाँमा पाहुनाले सुविधासम्पन्न लक्जरी भिल्ला कोठामा आरामदायी बसाइको अनुभव लिन सक्नेछन्। यससँगै दिउँसो वा बेलुकाको एक छाक स्वादिष्ट भोजन, पौष्टिक बिहानको नास्ता, प्रति व्यक्ति एक बोतल बियर तथा शरीर र मनलाई ताजगी प्रदान गर्ने स्पा सेवा समेत समावेश गरिएको छ। एउटै प्याकेजमा बसाइ, भोजन, मनोरञ्जन र विश्रामको सुविधा उपलब्ध गराइएकाले यो अफरले उत्कृष्ट मूल्यमा उच्चस्तरीय अनुभव प्रदान गर्ने अपेक्षा गरिएको छ।
होटलका अनुसार मनसुनको हरियालीबीच खुला वातावरणमा बिताइने समयले मानसिक ताजगी, पारिवारिक आत्मीयता र रमाइलो क्षणलाई अझ विशेष बनाउँछ। त्यसैले प्राकृतिक वातावरणसँग आधुनिक सुविधाको सन्तुलित संयोजन गर्दै यो प्याकेज तयार गरिएको हो। विशेष गरी सप्ताहान्त, विवाह वार्षिकोत्सव, जन्मदिन, हनिमुन, पारिवारिक भेटघाट वा साथीभाइसँगको रमाइलो जमघटका लागि यो प्याकेज उपयुक्त हुने विश्वास गरिएको छ।
यसैबीच होटल परिसरमा सञ्चालित चौपारी रेष्टुरेन्ट ले पनि स्वादका पारखीहरूका लागि विशेष अफर सार्वजनिक गरेको छ। नेपाली मौलिक स्वादलाई प्राथमिकता दिँदै केवल (२०००) दुई हजार रुपैयाँमा लोक्कल कुखुराबाट तयार गरिएका चार प्रकारका स्वादिष्ट परिकार उपलब्ध गराइने व्यवस्था गरिएको छ। यस मूल्यमा परिकार तयार गर्ने सेवा शुल्क (मेकिङ चार्ज) समेत समावेश गरिएको होटलले जनाएको छ। परिवार, साथीभाइ तथा समूहमा बसेर स्थानीय स्वादको आनन्द लिन चाहनेहरूका लागि यो अफर विशेष आकर्षणको केन्द्र बन्ने अपेक्षा गरिएको छ।
टाइगर फरेस्ट होटलले उत्कृष्ट आवास, गुणस्तरीय भोजन, आत्मीय सेवा, प्राकृतिक वातावरण र आधुनिक सुविधाको समिश्रणमार्फत स्वदेशी तथा विदेशी पर्यटकको रोजाइ बन्दै गएको छ। होटल परिसरको हरियाली, शान्त वातावरण, पारिवारिक आतिथ्यता तथा स्वादिष्ट परिकारले यहाँ आउने पाहुनालाई फरक अनुभूति दिलाउने विश्वास व्यवस्थापनको छ। होटलले गुणस्तरीय सेवा र उचित मूल्यलाई प्राथमिकतामा राख्दै रुपन्देहीको पर्यटन प्रवर्द्धनमा समेत योगदान पुर्याउँदै आएको जनाएको छ।
होटल व्यवस्थापनका अनुसार यो मनसुन प्याकेज तथा चौपारी रेष्टुरेन्टको विशेष अफर सीमित अवधिका लागि मात्र सञ्चालनमा रहने भएकाले इच्छुक ग्राहकलाई समयमै बुकिङ गरी अवसरको लाभ लिन आग्रह गरिएको छ। मनसुनको हरियालीसँगै लक्जरी बसाइ, स्वादिष्ट भोजन, स्पा सेवा र आत्मीय आतिथ्यको अनुपम अनुभव लिन चाहने सबैका लागि टाइगर फरेस्ट होटल उत्कृष्ट गन्तव्य बन्ने विश्वास व्यक्त गरिएको छ।
प्रतिक्रिया दिनुहोस्