काठमाडौँ, २४ भदौ । सशस्त्र प्रहरी बल सिराहाले डेढ क्विन्टलभन्दाबढी प्रतिबन्धित लागु औषध गाँजा बरामद गरेको छ ।
प्रहरीका अनुसार औरही गाउँ पालिका ४ इटाटारस्थित नेपाल–भारत सीमा क्षेत्रबाट एक क्विन्टल ५७ किलो २०७ ग्राम गाँजा सशस्त्र प्रहरीबल नेपाल नम्बर ७ गण हेड क्वाटर सिराहाको गस्ती टोलीले गएराति १ः ३५ बजे बरामद गरेको हो ।
टाउकोमा बोकेर नेपालबाट भारत तर्फ अवैधरुपमा लैजाँदै गरेको अवस्थामा टोलीलाई देखेर व्यक्तिहरू फरार भएको र उक्त प्रतिबन्धित लागु औषध गाँजा बरामद गरेको हो ।
उनले प्लास्टिकमा प्याक गरी कपडाले बाँधेको ८ वटा गाँजाको पोका बरामद भएको बताए । नियन्त्रणमा लिइएको उक्त पदार्थ आवश्यक अनुसन्धानको लागि सम्बन्धित निकायमा बुझाउने प्रक्रियामा रहेको सशस्त्र प्रहरीले जनाएको छ ।
प्रतिक्रिया दिनुहोस्