काठमाडौँ, ७ असोज । कैलालीमा छुट्टाछुट्टै स्थानमा दुई जना पुरुष मृत फेला परेका छन् ।
मंगलबार छुट्टाछुट्टै स्थानमा दुई जना मृत अवस्थामा भेटिएको हो । प्रहरीका अनुसार लम्कीचुहा नगरपालिका–४ गिधिनियाका ४० वर्षीय अबिराम जैसी र गौरीगंगा नगरपालिका–८ लिक्माका ५४ वर्षीय दुर्गाप्रसाद आचार्य मृत अवस्थामा फेला परेका हुन् ।
जैशी गिधिनियाकै बलिया चोक जोड्ने कच्ची सडकखण्डमा मृत भेटिएको प्रहरीको भनाइ छ । आर्चाय आफ्नै घर नजिकै बाटो छेउको धान खेतमा मृत अवस्थामा फेला परेका हुन् ।
घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्