सुनसरी, २४ असार । सुनसरीको गढी गाउँपालिका–१, मदेली झण्डा चोकबाट चाइनिज पेस्तोल र गोलीसहित दुईजना पक्राउ परेका छन् ।
बुधबार पक्राउ पर्नेमा मोरङको विराटनगर महानगरपालिका–१७, रानीबस्ती बस्ने अन्दाजी ५१ वर्षीय नुर महोमद र विराटनगर महानगरपालिका–८, अशोक चोक बस्ने ३२ वर्षीय इम्रान खान छन् ।
चेकजाँचका क्रममा नुरको साथबाट एक थान चाइनिज पेस्तोल र त्यसमा लोड गरिएको तीन राउन्ड गोली बरामद गरिएको प्रहरीले जनाएको छ । प्रहरीका अनुसार, दुवैजनामाथि अनुसन्धान भइरहेको छ ।
प्रतिक्रिया दिनुहोस्