मन्दिरमा एक युवकको मृत्यु

काठमाडौँ, १५ साउन । धनुषामा एकजनाको शंकास्पद मृत्यु भएको छ ।  

विहीबार राति सबैला नगरपालिका–३ का बन्ठू राउतको शंकास्पद मृत्यु भएको हो । उनी केही दिनअघि भारतबाट मजदुरी गरेर नेपाल फर्किएका थिए । ४५ वर्षीय राउत अविवाहित थिए ।

उनी सबैला नगरपालिका–१३ रघुनाथपुरको मन्दिरमा राति बास बसेका थिए । सोही समय उनको शंकास्पद मृत्यु भएको धनुषाका एसपी रुपेश खडकाले जानकारी दिए । उनका अनुसार मृत्यु शंकास्पद छ । प्रहरीले अनुसन्धान अगाडि बढाएको छ ।