जिप दुर्घटना हुँदा ८ जना घाइते

काठमाडौँ, १६ भदौ । रुकुमपूर्वको सिस्ने गाउँपालिका-८ स्यालापाखा सडक खण्डमा जिप दुर्घटनामा भएको छ ।

प्रहरीका अनुसार रुकुमपूर्वको लाम्फाकोटबाट रुकुमपश्चिमको खलंगातर्फ जाँदै गरेको भे१ज ६०४५ नम्बरको जिप आज बिहान दुर्घटनामा परेको हो ।

दुर्घटनामा परी ८ जना घाइते भएका छन् । उनीहरूलाई उद्धार गरी जिल्ला अस्पताल ल्याउने तयारी भइरहेको छ । सडकबाट चिप्लिएर जिप करिब ५० मिटर तल खसेर दुर्घटना भएको हो । घाइते मध्ये २ जनाको अवस्था गम्भीर रहेको छ ।

दुर्घटनाबारे थप अनुसन्धान भइरहेको प्रहरीले जनाएको छ ।