काठमाडौँ, १५ असोज । प्रधानमन्त्री कार्यालय मातहतको सार्वजनिक खरिद अनुगमन कार्यालयले तीन वटा निर्माण कम्पनीलाई कालोसूचीमा राखेको छ ।
सडक डिभिजन कार्यालय जुम्लाको सिफारिसमा शंकरमाली निर्माण सेवा काठमाडौं, मान शाही निर्माण सेवा कालिकोट र कश्यप निर्माण सेवा एण्ड सप्लायर्स कालोसूचीमा परेका हुन् । यही असोज १४ गतेको निर्णयबाट ती कम्पनीहरुलाई कालोसूचीमा राखिएको सार्वजनिक खरिद अनुगमनको कार्यालय केशरमहलले आज जारी गरेको सूचनामा उल्लेख छ ।
सूचनामा लेखिएअनुसार कालोसूचीमा परेकाहरुले कालोसूचीमा राखिएको अवधिभर सार्वजनिक निकायको कुनै पनि खरिद प्रक्रियामा भाग लिन पाउँदैनन् । जिम्मा लिएको काम सन्तोषजनक नहुँदा र पटकपटकको म्याद थप तथा ताकेताबाट पनि काममा प्रगति नहुँदा कालोसूचीमा राख्ने गरिएको कार्यालयले जनाएको छ ।
प्रतिक्रिया दिनुहोस्