काठमाडौँ, २९ फागुन । बजारमा अमलाको मूल्य घटेको छ ।
कालीमाटी फलफूल तथा तरकारी बजार विकास समितिका अनुसार अमलाको मूल्य घटेको हो ।
आज अमलाको मूल्य थोकमा प्रतिकलो २० रुपैयाँ घटेको छ । हिजो बिहीबार १ सय ३० रुपैयाँमा किनबेच भएको अमला आज भने किलोको १ सय १० रुपैयाँमा झरेको छ ।
अमिलो स्वादयुक्त अमलाको उपभोग प्रत्येक मौसमका लागि लाभदायक मानिन्छ । तर, यो जाडो मौसममा धेरै प्रयोग गरिन्छ । अमलामा सबै फलफूलहरूमा भन्दा धेरै भिटामिन सी पाइन्छ ।










प्रतिक्रिया दिनुहोस्