खैरो हेरोइनसहित एक जना पक्राउ

काठमाडौँ, २० चैत । लागुऔषध खैरो हेरोइनसहित प्रहरीले एकजनालाई पक्राउ गरेको छ ।

प्रहरीको लागुऔषध नियन्त्रण ब्युरो कोटेश्वरको टोलीले नुवाकोटका २८ वर्षीय उमेश राईलाई शुक्रबार पक्राउ गरेको हो ।

काठमाडौँको तारकेश्वर बस्दै आएका राईको साथबाट साढे ६ लाख नगदसहित ९८ ग्राम ७१० मिलिग्राम खैरो हेरोइन बरामद गरेको हो ।

उक्त रकमसमेत लागुऔषध कारोबारबाट नै आजर्न गरेको प्रहरीको ठहर छ । राईलाई प्रहरीले लागुऔषध मुद्दामा अनुसन्धान अघि बढाएको छ ।