काठमाडौँ, १ असार । बाँकेको नेपालगन्ज उपमहानगरपालिका–१७ स्थित थुकैला गाउँबाट खैरो हेरोइनसहित एक जना भारतीय नागरिकलाई प्रहरीले पक्राउ गरेको छ ।
जिल्ला प्रहरी कार्यालय बाँकेका अनुसार पक्राउ पर्नेमा उत्तर प्रदेश घर भएका ४० वर्षीय मोहम्मद रिजवान छन् ।
उनी भारतीय नम्बरको मोटरसाइकलमा थुकैलाबाट गडियनपुरवा जाँदै थिए । रिजवानले अण्डरवेयरमा लुकाएर ल्याएको ६३ ग्राम ५३० मिलिग्राम खैरो हेरोइन बरामद गरिएको हो ।
लागुऔषध नियन्त्रण ब्युरो नेपालगन्ज र टोलीले उनलाई पक्राउ गरेको हो । आरोपीमाथि जिल्ला प्रहरी कार्यालय बाँकेले अनुसन्धान गरिरहेको छ ।
प्रतिक्रिया दिनुहोस्