काठमाडौँ, १ साउन । पूर्वअर्थमन्त्री विष्णु पौडेललाई विशेष अदालतले साधारण तारेखमा रिहा गर्न आदेश गरेको छ ।
विशेष अदालतका न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाले आज उनलाई साधारण तारेखमा रिहा गर्न आदेश गरेका हुन्।
सम्पत्ति शुद्धीकरण अनुसन्धान विभागले बिहीबार पौडेल विरुद्ध विशेष अदालतमा सम्पत्ति शुद्धीकरण सम्बन्धी कसुरमा अभियोगपत्र दायर गरेको थियो। विभागले पौडेलविरूद्ध २० करोड ९० लाख बिगो मागदाबी लिएको थियो।
आज थुनछेक बहसपछि अदालतले उनलाई मुद्दाको पुर्पक्षको लागी पौडेललाई साधारण तारेखमा राख्न आदेश गरेको हो।
पौडेल असार ८ गते पक्राउ परेका थिए ।
प्रतिक्रिया दिनुहोस्