बाघ पारिस्थितिक सन्तुलनको आधारस्तम्भ : उपराष्ट्रपति यादव

काठमाडौँ, १३ साउन । उपराष्ट्रपति रामसहाय प्रसाद यादवले उनले बाघ सौन्दर्यको प्रतीक मात्र नभएर हाम्रो पारिस्थितिक सन्तुलनको आधारस्तम्भ पनि भएको उल्लेख गरेका छन् । 

अन्तर्राष्ट्रिय बाघ दिवसका अवसरमा शुभकामना सन्देश जारी गर्दै बाघ संरक्षणको साझा जिम्मेवारी पूरा गर्न आह्वान गरेका छन् । सन्देशमा उपराष्ट्रपतिले पछिल्लो समय विश्वभर बाघको अस्तित्व अवैध शिकार, छाला–दाँतको व्यापार, वनजङ्गलको फडानी, डढेलो र अव्यवस्थित सहरीकरणका कारण गम्भीर सङ्कटमा परेको बताएका छन्। अन्तर्राष्ट्रिय बाघ दिवसले मानिसलाई वन्यजन्तुप्रति संवेदनशील बनाउँदै संरक्षणमा सक्रिय सहभागिता जनाउन प्रेरित गर्ने धारणा उनले व्यक्त गरेका छन् । साथै यस दिवसले नीति निर्माणकर्तालाई दीर्घकालीन योजना र कार्यक्रम तर्जुमा गर्न उत्प्रेरित गर्ने उनले बताएका छन् ।