काठमाडौँ, १४ साउन । सिरहाको गोलबजारमा गोली लागेर एकजनाको मृत्यु भएको छ ।
आज भएको प्रदर्शनमा गोली लागेर १९ वर्षीय गणेश यादवको निधन भएको जिल्ला प्रशासन कार्यालय सिरहाले जनाएको छ । उनको शव हालसम्म सडकमा नै छ ।
त्यस्तै, गोली नै लागेर एकजना घाइते भएका छन । उनलाई थप उपचारको लागि नेपाली सेनाले अस्पताल लगेको छ ।
सुनसरी घटनापछि तरंगित मधेसका विभिन्न जिल्लामा प्रदर्शन भइरहेको छ । निषेधाज्ञा पनि जारी छ । तर, प्रदर्शनकारीहरू सडकमा आन्दोलन गरिरहेका छन् ।
प्रतिक्रिया दिनुहोस्