काठमाडौँ, २५ साउन । पूर्वपश्चिम राजमार्ग अन्तर्गत चितवनको खैरहनी नगरपलिका १ शाहीचोकमा बसको ठक्करबाट एकजना पैदलयात्रीको मृत्यु भएको छ ।
जिल्ला प्रहरी कार्यालय चितवनका अनुसार आज बिहान महोत्तरीबाट काठमाडौँतर्फ जाँदै गरेको बा. प्र. ०३–००१ ख २७२८ नम्बरको बसले नामथर नखुलेका अन्दाजी ३०/३५ वर्षीय पुरुषलाई ठक्कर दिएको थियो ।
बसको ठक्करबाट गम्भीर घाइते भएका उनको भरतपुर अस्पतालमा उपचारको क्रममा आज बिहान मृत्यु भएको हो । बस चालक धादिङको नीलकण्ठ नगरपालिका १४ बस्ने ४४ वर्षीय जितेन्द्र बहादुर गुरुङलाई प्रहरीले नियन्त्रणमा लिएको छ ।
प्रतिक्रिया दिनुहोस्