काठमाडौँ, २९ साउन । रोल्पाको सुनछहरी गाउँपालिका–२ स्थित फलबाङ र मङरारुमा पहिरोमा परी मृत्यु हुनेको सङ्ख्या चार पुगेको छ।
पछिल्लो पटक थप एक जनाको शव फेला परेसँगै मृत्यु हुनेको सङ्ख्या चार पुगेको हो । सुनछहरी गाउँपालिका–२ मङरारु बस्ने करिब ६४ वर्षीया लामी घर्ती पहिरोमा परी बेपत्ता भएकी थिइन्। उनको खोजी गर्ने क्रममा आज दिउँसो भान्साघरमा पहिरोले पुरिएको अवस्थामा शव फेला परेको हो ।
यसअघि ७७ वर्षीय वीरु घर्ती मगर, ६८ वर्षीया सनी घर्ती मगर र ७० वर्षीया लली घर्ती मगरको शव फेला परेको थियो ।
प्रतिक्रिया दिनुहोस्