‘छ माया छपक्कै २’ दशैंको फूलपातीमा आउने

काठमाडौँ, ३ असोज । दीपकराज गिरी र दीपाश्री निरौलाको आगामी फिल्म ‘छ माया छपक्कै २’ दशैंको फूलपातीदेखि देशब्यापी प्रदर्शनमा आउने भएको छ ।

आज बिहान पोस्टर सार्वजनिक गर्दै निर्माताले फिल्म प्रदर्शन मिति घोषणा गरेका हुन् । जसअनुसार, यो फिल्म अब फूलपातीको दिनमा ३१ असोजदेखि प्रदर्शनमा आउँदैछ ।

दीपक–दीपाले हरेक वर्षको दशैंमा फिल्म प्रदर्शन गर्दै आएका छन्, यसवर्ष पनि त्यो क्रमले निरन्तरता पाएको छ ।

‘छ माया छपक्कै २’ को सार्वजनिक पोस्टरमा अभिनेता गिरीसहित केकी अधिकारी र सनिशा भट्टराईलाई देख्न सकिन्छ । पुरुष पात्र बाँसुरी बजाइरहेको र दायाँबायाँ रहेका दुई महिला पात्र गर्भवतीको रुपमा देखाइएको छ ।