काठमाडौँ, ६ असोज । पाँचथरमा इन्सास राइफलको गोली, बारुद र खुकुरीसहित एक जना पक्राउ परेका छन् ।
पाँचथर प्रहरीका अनुसार कुम्मायक गाउँपालिका–१ यासोक बजारमा धारिलो हतियार देखाएर धाकधम्की दिइरहेको सूचना पाएपछि फिदिम नगरपालिका–६ बस्ने सुसन तुम्रोकलाई पक्राउ गरेको हो ।
पक्राउपछि उनको शरीरमा खानतलासी गर्दा दुई थान खुकुरी इन्सास राइफलको लाइभ राउन्ड थान एक र बारुद जस्तो देखिने पदार्थ २७.७१ ग्राम फेला परेको प्रहरीले जनाएको छ ।
उनलाई खरखजाना तथा बिष्फोटक पदार्थ कसुरमा पाँच दिन म्याद थप भएर अनुसन्धान भइरहेको प्रहरीले जनाएको छ ।
प्रतिक्रिया दिनुहोस्