बलात्कार आरोपमा ३६ वर्षीय पुरुष पक्राउ

काठमाडौँ, १३ असोज । प्रहरीले जबर्जस्तीकरणीको आरोपमा एक पुरुषलाई पक्राउ गरेको छ ।

प्रहरीले सुर्खेतको लेकबेँसी नगरपालिका-१० साटाखानीका ३६ वर्षीय तेजबहादुर पल्लीलाई सोमबार दिउँसो पक्राउ गरिएको जानकारी दिएको छ । उनीमाथि ४२ वर्षीया महिलालाई जबरजस्तीकरणी गरेको आरोप छ ।

तेजबहादुरले ती महिलालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय सुर्खेतबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।