काठमाडौँ, २ असार । बारामा घरको छतबाट खसेर एक जनाको मृत्यु भएको छ ।
प्रहरीका अनुसार कोल्हवी नगरपालिका–३ जुगुवा टोलमा आज बिहान ५० वर्षीय सोभालाल चौधरीको मृत्यु भएको हो ।
गएराति करिब १ः३० बजे आफ्नै एकतले पक्की घरको छतबाट खसेर चौधरी गम्भीर घाइते भएका थिए । टाउको र मुखमा गम्भीर चोट लागेका चौधरीको उपचारका क्रममा बिहान परवानीपुरस्थित एलएस न्यूरो अस्पतालमा मृत्यु भएको हो ।
चौधरीलाई कोल्हवीस्थित तामागढी अस्पतालबाट थप उपचारका लागि एलएस न्यूरो अस्पताल लगिएको थियो । उक्त घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्