चार जना जुवाडे पक्राउ

काठमाडौँ, २९ साउन । काठमाडौँ महानगरपालिका-१५ विजेश्वरीस्थित सोनाम लामाको कोठामा जुवातास खेलिरहेको अवस्थामा चार जनालाई प्रहरीले पक्राउ गरेको छ । 

पक्राउ पर्नेमा काठमाडौँ महानगरपालिका-१६ नयाँ बजार बस्ने २७ वर्षीय प्रदिप थापा मगरसहित चार जना रहेका छन् । प्रहरी वृत्त स्वयम्भूबाट खटिएको प्रहरी टोलीले उनीहरूलाई बिहीबार दिउँसो कौडा तथा जुवाको खालबाट पक्राउ गरेको हो । प्रहरीले उनीहरूको साथबाट नगद १ लाख ९३ हजार ८ सय ३५ रुपैयाँ र ६ बुक तास बरामद गरेको छ ।

पक्राउ परेकाहरूमाथि प्रहरीले आवश्यक अनुसन्धान अघि बढाएको जनाएको छ ।