१८ नाल भरुवा बन्दुक बरामद

काठमाडौँ, २४ असोज । सुर्खेतका विभिन्न स्थानका जंगलमा लुकाइछिपाइ राखिएका १८ नाल भरुवा बन्दुक प्रहरीले बरामद गरेको छ ।

प्रहरी टोलीले जिल्लाका दुई स्थानीय तहअन्तर्गतका तीन छुट्टाछुट्टै स्थानबाट ती बन्दुक फेला पारेको हो । प्रहरीका अनुसार चौकुने गाउँपालिका–७ स्थित सान्नेघारीको जंगलमा खोजतलास गर्ने क्रममा पाँच नाल भरुवा बन्दुक बरामद गरेको हो । जंगलमा लुकाइछिपाइ राखिएको अवस्थामा ती बन्दुक फेला परेका हुन् ।

त्यसैगरी, अस्थायी प्रहरी चौकी लगामसमेतबाट खटिएको प्रहरी टोलीले चौकुने गाउँपालिका–१ स्थित धामिसेनको जंगलबाट १२ नाल भरुवा बन्दुक बरामद गरेको छ । उक्त स्थानमा पनि बन्दुक लुकाइछिपाइ राखिएको अवस्थामा फेला पारिएको प्रहरीले जनाएको छ ।

यसै क्रममा प्रहरी चौकी रानीघाटबाट खटिएको अर्को प्रहरी टोलीले बराहताल गाउँपालिका–१ स्थित ज्यामिरेको जंगलबाट एक नाल भरुवा बन्दुक बरामद गरेको छ ।

प्रहरीले तीनवटै स्थानबाट बरामद गरेका बन्दुकलाई जोड्दा कुल १८ नाल पुगेका छन् । बरामद भएका बन्दुकमध्ये सबैभन्दा बढी चौकुने गाउँपालिका–१ धामिसेनस्थित जंगलबाट १२ नाल फेला परेका छन् । त्यस्तै, चौकुने गाउँपालिका–७ सान्नेघारीबाट पाँच नाल र बराहताल गाउँपालिका–१ ज्यामिरेबाट एक नाल बन्दुक बरामद गरिएको हो । उक्त घटनाबारे थप अनुसन्धान भइरहेको प्रहरीले जनाएको छ ।