काठमाडौँ, २० कार्तिक । अर्थमन्त्री स्वर्णिम वाग्लेले चालु आर्थिक वर्षमा ७/८ अर्ब अनुदान प्राप्त गर्न पनि गाह्रो अवस्था भएको बताएका छन् ।
आज रसुवा बाढीले पुर्याएको क्षति एवम् राहत उद्धारको सम्बन्धमा गठित संसदीय विशेष समितिको बैठकमा बोल्दै उनले यस्तो बताएका हुन् ।
उनले भने, ‘हामीले एक दिनमा उठाउने राजस्व पनि विदेशीले वर्षभरि दिने अनुदान कम हुन थालिसक्यो, अब सहुलियतपूर्ण ऋणको विकल्प छैन’ ।
चालु आर्थिक वर्षका लागि सरकारले ६१ अर्ब ७४ करोड रुपैयाँ बराबरको अनुदान सहयोग प्राप्त गर्ने अनुमान गरेको थियो । बजेट आएको पाँच महिनापछि उनले अनुमानित रकमको १० प्रतिशत हाराहारीमा मात्रै अनुदान आउने प्रक्षेपण गरेका हुन् ।
प्रतिक्रिया दिनुहोस्