मोटरसाइकल दुर्घटना हुँदा चालकको मृत्यु

काठमाडौँ, २५ जेठ । सुनसरीमा मोटरसाइकल दुर्घटना हुँदा चालकको मृत्यु भएको छ ।

प्रहरीका अनुसार मृत्यु हुनेमा विनोद चौधरी छन् । सुनरामधुनी नगरपालिका–२ तित्रिवनस्थित सडकमा बिग्रेर रोकी राखेको को १ ख ५१२८ नम्बरको टिपरमा झुम्काबाट इनरूवातर्फ जाँदै गरेको प्रदेश १–०२–०४३ प ५८२२ नम्बरको मोटरसाइकल ठक्कर खाई गएराति दुर्घटना हुँदा २९ वर्षीय चौधरीको मृत्यु भएको छ ।
 
दुर्घटनामा गम्भीर घाइते भएका उनको विराट नर्सिङ होम विराटनगरमा उपचारको क्रममा मृत्यु भएको हो ।