सेफ सन्तोष साह रिहा

काठमाडौँ, २ असार । सेफ सन्तोष साह रिहा भएका छन् ।

बैंकिङ कसुर तथा ठगीको आरोपमा समातिएका साह सोमबार रिहा भएका हुन् । जिल्ला प्रहरी परिसर काठमाडौँका अनुसार साहलाई साधारण तारेखमा रिहा गरिएको हो । उनी शनिबार जकनकपुरबाट पक्राउ परेका थिए ।

उनीविरुद्ध सकुन्तला अधिकारी (थापा)ले उनीविरुद्ध उजुरी दिएकी थिइन् । होटल किन्ने भन्दै रकम नदिएर ठगी गरेको आरोपमा उनी पक्राउ परेका थिए ।

साहविरुद्ध यसअघि काठमाडौँ जिल्ला अदालतले बैंकिङ कसुरको मुद्दामा पनि दोषी ठहर गरेको थियो । ३० जेठ २०८२ मा २५ लाख बिगो र १ लाख २५ हजार जरिवानाका साथै १ महिना कैदको फैसला सुनाएको थियो । यसमा पुनरावेदन गर्ने अवधि बाँकी नै रहेको भन्दै प्रहरीले छाडेको हो ।