काठमाडौँ, १८ साउन । गृह मन्त्रालयले सिरहाका गणेश यादवको मृत्यु भएको घटनाको सत्यतथ्य छानबिन गर्न एक समिति गठन गरेको छ ।
गृहमन्त्री सुदन गुरुङ काठमाडौँ फर्किए लगत्तै मन्त्रीस्तरीय निर्णयबाटमन्त्रालयका सहसचिव पुष्पराज शाहीको संयोजकत्वमा छानबिन समिति गठन गरिएको हो । समितिको सदस्य सचिवमा उपसचिव कुलशेखर अर्याल, सदस्यहरूमा नेपाल प्रहरी र सशस्त्र प्रहरीका प्रहरी उपरीक्षक (एसपी) तथा विधि विज्ञान प्रयोगशालाका डिएसपी रहेका छन् ।
समितिले सिरहामा भएको उक्त घटनाको निष्पक्ष अध्ययन गरी सत्यतथ्य प्रतिवेदन मन्त्रालयसमक्ष पेस गर्नेछ ।
प्रतिक्रिया दिनुहोस्