काठमाडौँ, २९ असोज । चाडपर्वको बिदामा विद्युतीय माध्यमबाट हुने आर्थिक ठगीका घटनाहरूको कारोबार विवरण समयमै उपलब्ध गराउन नेपाल राष्ट्र बैंकले निर्देशन दिएको छ ।
शंकास्पद वालेट तथा कारोबार पहिचान गरी तत्काल रोक्का गर्न र अनुसन्धान प्रक्रियालाई सहजीकरण गर्न भुक्तानी प्रणाली सञ्चालक र भुक्तानी सेवा प्रदायक संस्थाहरूलाई निर्देशन दिइएको छ ।
नेपाल राष्ट्र बैंक, भुक्तानी प्रणाली विभागले दसैँ, तिहार तथा छठ पर्व २०८३ को सार्वजनिक बिदाको अवधिमा हुनसक्ने साइबर फ्रड तथा स्क्यामको जोखिमलाई मध्यनजर गर्दै यसबारे सूचना जारी गरेको छ ।
यस व्यवस्थाअनुसार भुक्तानी प्रणाली सञ्चालक तथा सेवा प्रदायक संस्थाहरूले अनिवार्य रूपमा तोकिएका जिम्मेवार व्यक्तिको नाम, पद र मोबाइल नम्बर उपलब्ध गराउनुपर्नेछ । साथै, चौबीसै घण्टा अनुगमन हुने ड्युटी इमेल ठेगाना उपलब्ध गराउन राष्ट्र बेंकले निर्देशन दिएको छ ।
प्रतिक्रिया दिनुहोस्