परराष्ट्रमन्त्री खनाल र चिनियाँ राजदूतबीच भेटवार्ता

काठमाडौँ, २४ चैत । परराष्ट्रमन्त्री शिशिर खनालसँग नेपालका लागि चिनियाँ राजदूत झाङ माओमिङले शिष्टाचार भेटवार्ता गरेका छन् । 

आज सिंहदरबारस्थित परराष्ट्र मन्त्रालयमा भएको भेटमा राजदूतले चीनका परराष्ट्रमन्त्री वाङ यीका तर्फबाट परराष्ट्रमन्त्री नियुक्त भएका खनाललाई बधाई तथा शुभकामना सन्देश सुनाएका थिए । 

भेटमा नेपाल–चीन सम्बन्धलाई अझ सुदृढ पार्ने र पारस्परिक रूपमा लाभदायक सहयोग अभिवृद्धि गर्ने विभिन्न विषयमा छलफल भएको परराष्ट्र मन्त्रालयले जनाएको छ ।