काठमाडौँ, २४ असाेज । नेपाली कांग्रेसको १५औं महाधिवेशनका महामन्त्रीका उम्मेदवार प्रदीप पौडेलले नवनिर्वाचित सभापति गगनकुमार थापालाई बधाई दिएका छन् ।
१५औं महाधिवेशनबाट अत्यधिक मतसहित सभापतिमा निर्वाचित भएपछि उनले शनिबार मध्यान्ह थापालाई बधाई दिएका हुन् । उनले आफूहरू युग बदल्ने संकल्प लिएर आएको भन्दै चुनौतीका पहाडहरू थुप्रै भए पनि अलमलिने र थाक्ने कुनै छुट नभएको उल्लेख गरेका छन् । बदलिएको कांग्रेस, बदलिने देश आफूहरूको कर्म र परिणाम बन्नुपर्ने भन्दै उनले इमानदार सहयात्रीका रूपमा सँगै हुनेसमेत बताएका छन् ।
निवर्तमान महामन्त्रीसमेत रहेका पौडेलले भनेका छन्, ‘हामी युग बदल्ने संकल्प लिएर आएका छौं । बाटो पक्कै सजिलो छैन । चुनौतीका पहाडहरू थुप्रै छन् । तर, हामीसँग अलमलिने र थाक्ने कुनै छुट छैन । बदलिएको कांग्रेस, बदलिने देश हाम्रो कर्म र परिणाम बन्नुपर्छ । इमानदार सहयात्रीको रूपमा हामी सँगै हुनेछौं ।’
प्रतिक्रिया दिनुहोस्