काठमाडौँ, २८ जेठ । नेपाली कांग्रेसका निवर्तमान सभापति शेरबहादुर देउवा पक्षीय नेता प्रकाशशरण महतले पार्टीको बृृहत्तर एकतामा जोड दिएका छन् ।
आज बाँसबारीस्थित निवासमा महतले आयोजना गरेको पत्रकार सम्मेलनमा संस्थापन पक्षबाट पहल हुन नसक्दा उर्जा नथपिएको र कांग्रेसीजन विचलित भएको बताए ।
उनले भने, “विश्वास कमजोर भएको अवस्था छ । बृहत्तर एकता हुन जरुरी छ,” “एकाध भेटघाटबाट एकताबद्ध भएर जाने अभियानले पूर्णता पाउन सक्दैन । यसका लागि गम्भीर छलफल हुनुपर्छ । चाँडोभन्दा चाँडो यस विषयमा निर्णयमा पुग्नु पर्छ ।”
पार्टी एक हुन नसके कांग्रेस कमजोर हुने उनको भनाइ छ ।
प्रतिक्रिया दिनुहोस्