दुई समितिको बैठक बस्दै

काठमाडौँ, १७ भदौ । सङ्घीय संसद्का दुई अन्य समितिको बैठक आज बस्दै छ ।

बिहान ९:३० बजे बस्ने अन्तर्राष्ट्रिय सम्बन्ध र पर्यटन समितिको बैठकमा ‘रसुवा बाढी पहिरोका कारण पर्यटन क्षेत्रमा परेको प्रभाव’का बारेमा छलफल हुने कार्यक्रम छ ।

यसैगरी, अपराह्न १२:१५ बजे विधायन व्यवस्थापन समितिको बैठक बस्नेछ । उक्त बैठकमा ‘नेपाल विशेष सेवा ऐन, २०४२ को साबिकको व्यवस्था जगाउनेसम्बन्धी विधेयक, २०८३’ माथि दफावार छलफल गरिने सङ्घीय संसद् सचिवालयले जनाएको छ ।