काठमाडौँ, २८ भदौ । प्रधानसेनापति अशोकराज सिग्देल आइतबार चीन प्रस्थान गरेका छन् ।
चीनको औपचारिक निमन्त्रणमा भदौ २८ देखि असोज ३ गतेसम्मको लागि उनी भ्रमणमा गएका हुन् ।
भ्रमणका दौरान प्रधानसेनापति सिग्देल त्यहाँमा आयोजना हुने १३औँ बेइजिङ सियाङसान फोरममा समेत सहभागी हुने कार्यक्रम रहेको छ ।
बेइजिङतर्फ प्रस्थान गर्नुअघि प्रधानसेनापतिलाई त्रिभुवन अन्तर्राष्ट्रिय विमानस्थलमा बलाधिकृत रथी प्रदीपजंग केसीले बिदाइ गरेका थिए ।
“उक्त भ्रमणले दुई देशबीचको आपसी सैनिक सम्बन्ध विस्तार हुन गई सैनिक कूटनीतिमार्फत नेपालको परराष्ट्र नीतिलाई समेत योगदान पुग्ने विश्वास नेपाली सेनाले लिएको छ,” नेपाली सेनाले आइतबार जारी गरेको विज्ञप्तिमा भनिएको छ ।
प्रतिक्रिया दिनुहोस्